तरुण शेतकऱ्याची शेताच्या बांधावर आत्महत्या
यावल,मंडे टू मंडे न्युज,सुरेश पाटील। यावल तालुक्यातील शिरागड येथील अविवाहित तरुण शेतकऱ्याने आपल्या शेताच्या बांधावर गळफास घेवुन आत्महत्या केल्याची धक्कादायक घटना घडली. आत्महत्या मागील नेमके कारण काय..? याबाबत अनेक प्रश्न उपस्थित केले जात आहेत.या घटनेमुळे ग्रामस्थांमध्ये आणि परिसरात हळहळ व्यक्त केली जात आहे.
याबाबत सविस्तर माहिती अशी की,महेश कैलास सोळ्के वय २५ रा.शिरागड ता.यावल या अविवाहित तरुण शेतकऱ्यांने १६ फेब्रुवारी शुक्रवार रोजी सकाळी १o.३० वाजेच्या सुमारास आपल्या शेत गट क्र. ११८ या शेताच्या बांधावर असलेल्या निंबाच्या झाडावर दोरीच्या सहाय्याने गळफास घेऊन आत्महत्या केल्याची घटना समोर आली आहे. आत्महत्या करण्याचे कारण मात्र अद्याप समोर आलेले नसून या बाबत शिरागड येथील पोलीस पाटील सुधाकर नारायण सोळुंके यांनी यावल पोलीस स्टेशनला खबर दिल्याने अकस्मात मृत्युची नोंद करण्यात आली आहे.पुढील तपास यावल पोलिसस्टेशनचे प्रभारी सहाय्यक पोलीस निरिक्षक हरिष भोये यांच्या मार्गदर्शनाखाली पो.हे.का. सिकंदर तडवी हे करीत आहे.
