यावल तालुक्यातील न्हावी येथील तरुण कंटेनर व कालीपिली जीपच्या भीषण अपघातात ठार
फैजपूर, मंडे टू मंडे न्युज वृत्तसेवा। यावल तालुक्यातील न्हावी येथील प्रज्वल शंकर फिरके हा तरुण मुंबई ते नाशिक महामार्गावर कंटेनर व कालीपिली जीपच्या झालेल्या भीषण अपघातात ठार झाला या सोबत आणखी पाच जण ठार झाले
या बाबत सविस्तर वृत्त असे की, आज सकाळी साडेसहा वाजेच्या सुमारास मुंबई ते नाशिक दरम्यान पडघा खडवली फाट्याजवळ कंटेनरने कालीपीलीस जोरदार धडक दिली. यात सहा जणांचा मृत्यू झाला असून तीन जण जखमी झाले आहेत. यात यावल तालुक्यातील न्हावी येथील मूळ रहिवासी असलेल्या प्रज्वल शंकर फिरके , वय – २८ वर्षं या तरूणाचा समावेश आहे. प्रज्वल शंकर फिरके हा न्हावी येथील रहिवासी असून तो सध्या मुंबई येथे राहायला होता. आज सकाळी त्याच्या मृत्यूची माहिती येताच न्हावी गावात शोककळा पसरली आहे.
