अट्रावल दंगलीतील फरार आरोपींना पकडून घेऊन येणाऱ्या पोलिस वाहनाला अपघात
यावल, मंडे टू मंडे न्युज वृत्तसेवा। यावल तालुक्यातील अट्रावल येथे झालेल्या दंगलीतील काही संशयित फरार आरोपी धरणगाव येथे लपून बसले होते त्या फरार आरोपींना पकडून यावल कडे परत येत असलेल्या पोलिस वाहनाला आज सकाळी कडगाव रस्त्यावर वाहन चालकाचा ताबा सुटल्याने अपघात झाला. या अपघातात दोन पोलीस कर्मच्याऱ्यांसह तीन आरोपी जखमी झाले.
यावल तालुक्यातील अट्रावल गावात दोन गटांमध्ये झालेल्या दंगलीतील फरार संशयित आरोपी धरणगाव तालुक्यात लपून असल्याची माहिती यावल पोलिसांना मिळाली होती. मिळालेल्या माहितीनुसार यावल पोलिसांनी आज बुधवारी पहाटेच संशयितांना ताब्यात घेऊन येत असताना कडगाव रस्त्याने पोलीस वाहन चालकाचा वाहनावरील ताबा सुटला आणि वाहन रस्त्याच्याकडेला पलटी झाली त्यात पोलीस उपनिरीक्षक सुदाम काकडे, कॉन्स्टेबलअशोक बाविस्कर व तीन आरोपी जखमी झाले.जखमींना रूग्णालयात उपचारार्थ दाखल करण्यात आले आहे.
