यावल तालुक्यात वृद्धाचा विहिरीत पडून मृत्यू
यावल,मंडे टू मंडे न्युज वृत्तसेवा। यावल तालुक्यातील यावल येथून जवळच असलेल्या चुंचाळे येथील डिगंबर सदु कोळी,या वयोवृद्ध मजुराचा तोल जाऊन विहिरीत पडून मृत्यू झाल्याची दुर्दैवी घटना घडली.
आज २० जून सोमवार रोजी सकाळी १० वाजेच्या सुमारास
यावल तालुक्यातील चुंचाळे येथील डिगंबर सदु कोळी, वय- ६२ वर्ष, हे चुंचाळे शिवारातील शेत गट क्रमांक ३ मधील शेतात विहिरी जवळ काम करत असता त्यांचा पाय घसरून तोल जावुन ते विहिरीत पडले.हे शेतात सोबतच्या शेतमजुरांच्या लक्ष्यात येताच त्यांनी तातडीने विहिरीजवळ धाव घेतली.परंतु डिगंबर कोळी यांचा पाण्यात बुडून मृत्यू झाला होता.त्यानी तातडीने ग्रामस्थांना माहिती देऊन ग्रामस्थांच्या मदतीने डिगंबर कोळी यांचा मृतदेह विहिरीतून काढला .त्याचे शवविच्छेदन यावल ग्रामीण रुग्णालयांमध्ये करण्यात आले असून या बाबत यावल पोलिसस्टेशनला अकस्मात मृत्यूची नोंद करण्यात आली आहे.
