हंबर्डी जवळ दुचाकीला अज्ञात वाहनाची जोरदार धडक : एकाचा मृत्यू , २ गंभीर
मंडे टू मंडे वृत्तसंकलंन।
यावल, मंडे टू मंडे वृत्तसेवा । अंकलेश्वर बऱ्हाणपूर राष्ट्रीय महामार्गावर आज सकाळी ८:३५ वाजेच्या सुमारास तालुक्यातील हंबर्डी गावाजवळ तरूणांच्या दुचाकीला अज्ञात वाहनाने जोरदार धडक दिल्याने एक ठार तर दोन जण जखमी झाल्याची घटना घडली.
सविस्तर माहिती अशी की, श्रावण सोमवार निमित्त मध्यप्रदेशातील शिरवेल येथील महादेवाच्या दर्शनासाठी आज ९ ऑगस्ट रोजी सकाळी ८.३५ वाजेच्या सुमारास वासू उमेश गौची (वय-१७), जयेश राजू सुरवाळे (वय-१९) आणि हर्षल शिवप्रताप घारू (वय-१६) तिघे रा. यावल जि.जळगाव हे दुचाकीने जात असतांना अंकलेश्वर बऱ्हाणपूर राष्ट्रीय महामार्गावर (एमएच १९ बीवाय ४२१३) क्रमांकाच्या दुचाकीला अज्ञात वाहनाने जोरदार धडक दिली.
यात दुचाकीचा अक्षरश: चक्काचूर झाला असून या झालेल्या भिषण अपघातात वासू उमेश गैची या तरूणाचा उपचारापुर्वीच मृत्यू झाला तर जयेश सुरवाडे आणि हर्षल घारू हे दोघे गंभीररित्या जखमी झाले. मयत वासू गैची हा तरूण यावल येथील महाविद्यालयात बारावीचे शिक्षण घेत होता. दोन्ही जखमींना तातडीने जिल्हा शासकीय वैद्यकीय महाविद्यालयात उपचारार्थ दाखल करण्यात आले आहे. या घटनेप्रकरणी फैजपूर पोलीस ठाण्यात अपघाताची नोंद करण्यात आली आहे.
