यावल तालुक्यात मानवी कवटी व हाडे सापडल्याने खळबळ
फैजपूर, मंडे टू मंडे न्युज वृत्तसेवा। यावल तालुक्यात भुसावळ- पिळोदा बुद्रुक या गावा दरम्यानच्या रस्त्यावर मानवी कवटी व हाडे आढळून आल्याने मोठी खळबळ उडाली आहे.
या बाबत मिळालेली माहिती अशी की, भुसावल-पिळोदा रस्त्यावरील पुलाच्या बाजूच्या झुडुपांमध्ये मानवी व्यक्तीची कवटी व हाडे पोलिसांना मिळून आले, या बाबत परिसरात मोठी चर्चा होती त्या चर्चेच्या व माहितीच्या आधारे पोलिसांनी मंगळवार दि २५ जुलै रोजी प्रत्यक्ष घटनास्थळी जाऊन पाहणी केली असता त्यांना नाल्यातील काटेरी झुडूपांमधे मानवी कवटी व हाडे मिळून आली. हा खुनाचा प्रकार आहे की काय? परिसरात सर्वत्र चर्चा सुरू आहे. या प्रकार संदर्भात पोलीस चौकशी करीत असून या बाबत फैजपूर पोलिसस्टेशनला अकस्मात मृत्यूची नोंद करण्यात आली आहे .पुढील तपास फैजपूर पोलिसस्टेशनचे स.पो.नि. निलेश वाघ हे करीत आहेत.
