फैजपूर मध्ये चाकू हल्ला,एक जखमी
फैजपूर,मंडे टू मंडे न्युज वृत्तसेवा। येथील आंबेडकर नगरात किरकोळ कारणावरून घरात घुसून एकावर चाकू हल्ला करून जखमी केल्याची खळबळ जनक घटना घडली.
या संदर्भात मिळालेली अधिक माहिती अशी की, ४ जुलै रोजी फैजपूर शहरातील आंबेडकर नगरात मध्यरात्री १ वाजेच्या सुमारास जहागीर शेख शाबीर हा आपल्या घरात झोपलेला असता किरकोळ कारणावरून गल्लीतच राहणारा भुषण मुकुंदा मेढे याने घरात सर्वजण झोपलेले असतांना जहागीर शेख यांचेवर घरात घसून चाकूने वार केले. यात जहागीरच्या हाताच्या बोटाला गंभीर दुखापत करत त्याला जीवेठार मारण्याची धमकी देवून भुषण मेढे याने तेथून पळ काढला.या बाबत जहागीर शेख शाबीर यांची वहिनी फरदाना शेख उमर यांनी पोलीस स्टेशन ला तक्रार दिल्याने त्यांच्या तक्रारीवरून संशति आरोपी भुषण मुकुंदा मेढे रा. आंबेडकर नगर, फैजपूर यांच्या विरोधात फैजपूर पोलिसस्टेशनला गुन्हा दाखल करण्यात आला आहे.
