सराफा पेढी दरोडा प्रकरणी पोलिसांना अद्यापही यश नाही
Monday To Monday NewsNetwork।
यावल(प्रतिनिधी)। शहरातील बाजीराव काशिदास कवडी वाले यांचे सराफा पेढी वर बुधवारी चार अज्ञात चोरट्यांनी दरोडा टाकून साडेअकरा लाख रुपयांचा ऐवज लंपास केल्या प्रकरणी पोलिसांना अद्यापही काही धागेदोरे सापडले नाहीत.
शहरातील विविध ठिकाणावरून मिळालेल्या सी सी कॅमेरा क्लिप द्वारे पोलिसांचा तपास सुरू आहे चोरटे मोटर सायकल वर आल्याने सीसीटीव्ही कॅमेरा मध्ये ते स्पष्ट दिसत नसल्याचे समोर येत आहे तथापि पोलीस तंत्राचा वापर करून चोरट्यांचे चेहरे स्पष्ट दिसू शकतील असा प्रयत्न करीत आहे.
शहरातील बाजीराव काशिदास कवडी वाले सराफा पेढीवर बुधवारी अज्ञात चोरट्यांनी दुकानात प्रवेश करत दुकान मालकावर देशी कट्टा रोखत पंचावन्न हजार रुपयाचा रोकड सह साडेअकरा लाख रुपयांचे सोन्याचे दागिने लंपास केले होते. यामुळे पोलिस यंत्रणा हादरली गेल्या दोन दिवसापासून स्थानिक पोलिसांसह गुन्हे अन्वेषण विभाग कसून तपास करत आहेत शहरातील विविध ठिकाणावरून सीसीटीव्ही कॅमेरा मधील क्लिप द्वारे चोर ते शोधण्याचा प्रयत्न होत आहे मात्र त्यांचे चेहरे स्पष्ट दिसत नसल्याने संशयित चोरटे ओळखण्यात पोलिसांना कसोटी करावी लागत आहे स्पष्ट करण्यासाठी पोलीस तंत्राचा वापर करत असून लवकरच अटक करू असा आत्मविश्वास पोलीस निरीक्षक सुधीर पाटील यांनी व्यक्त केला आहे
