यावल तालुक्यात जुगार अड्ड्यावर धाड,चौघांवर कारवाई
यावल, मंडे टु मंडे न्युज नेटवर्क l यावल तालुक्यातील कोरपावली येथे झन्नामन्ना जुगार अड्ड्यावर धाड टाकून २० हजार रोख रकमेसह दुचाक्या,मोबाईल असा सुमारे अडीच लाख रुपयांचे मुद्देमाल जप्त केला आहे. ही कारवाई फैजपुर येथील उपविभागीय पोलीस अधिकारी आणि अन्नपुर्णा सिंग यांच्या मार्गदर्शनाखाली पोलिसांच्या पथकाने केली.
या बाबत मिळालेली अधिक माहिती अशी की गुरूवार रोजी संध्याकाळी यावल तालुक्यातील कोरपावली या गावात विभागीय पोलीस अधिकारी अन्नपुर्णा सिंग यांच्या मार्गदर्शनाखाली यावल पोलीसस्टेशनचे पोलीस निरिक्षक प्रदीप ठाकुर व सहाय्यक फौजदार विजय पाचपोळे यांच्यासह पोलीस पथकाने कार्यवाही करीत कोरपावली येथील शिवारातील अजीज शमशेर तडवी यांच्या मक्याच्या शेतात कमलेश आत्माराम पाटील रा.जळगाव , अजीज शमशेर तडवी रा.कोरपावली,हुसैन खान अख्तर खान रा.यावल,तुषार दिलीप तायडे या मंडळीने स्वताच्या फायद्यासाठी गैरकायद्याने झन्नामन्ना जुगार खेळतांना मिळून आले. त्यांच्या कडून चार दुचाकी मोटर सायकल, २५ हजार रूपये किमतीचे दोन मोबाइल व २० हजार रूपये रोख आणि जुगाराचे साहित्य जप्त करण्यात आले .पोहेकॉ गणेश प्रल्हाद मनुरे यांनी फिर्यादिवरून गुन्हा दाखल करण्यात आला.
