हंबर्डी सरपंच पदी सौ.उषा चंद्रकांत पाटील यांची निवड
फौजपुर, ता.यावल.मंडे टू मंडे न्युज वृत्तसेवा। यावल तालुक्यातील हंबर्डी ग्रामपंचायत सरपंच पद हे अलका शिरीष पाटील यांनी सरपंच पदाचा राजीनामा दिल्यामुळे रिक्त झाले होते. तर रिक्त सरपंच पदाच्या जागेची दि 8/12/2023 रोजी निवडणूक लागल्याने सौ उषा पाटील व सौ यामिनी नेहेते यांनी सरपंच पदासाठीअर्ज दाखल केला होता. या निवडणुकीत सौ उषा पाटील यांना एकूण नऊ सदस्यांपैकी आठ सदस्यांनी हात वर करून पाठिंबा दिल्याने त्यांचा बहुमताने विजय झाला. तर यामिनी नेहेते यांना एक मत मिळाल्याने त्यांचा पराभव झाला.
सदर निवडणुकीत निवडणूक अधिकारी म्हणून एम एच तडवी यांनी काम पाहिले तर ग्रामसेवक अर्चना तायडे यांनी सहकार्य केले सौ उषा पाटील या पोलीस पाटील प्रसन्न कुमार पाटील यांच्या मातोश्री आहेत. सदर कामी पोलीस एपीआय निलेश वाघ राजेश बऱ्हाटे, महेंद्र महाजन यांनी पोलीस बंदोबस्त ठेवला होता. ना निर्वाचित सरपंच सौ.उषा पाटील यांचे विलास काठोके आणि मित्र परिवार फैजपूर अभिनंदन केले आहे.
