खळबळजनक ; यावल तालुक्यातून अल्पवयीन मुलाचे अपहरण
यावल,मंडे टू मंडे न्यूज वृत्तसेवा। यावल तालुक्यातील एका अकरा वर्षाच्या मुलाचे अपहरण करून पळवून नेल्याची घटना घडल्याने खळबळ उडाली आहे.
या बाबत मिळालेल्या माहितीनुसार यावल तालुक्यातील किनगाव येथील नुर मोहम्मद साबीर खान (वय ११) रा.गौशिया नगर, किनगाव ,ता. यावल या मुलास १७ जुन रोजी दुपारी ४ वाजेच्या सुमारास राहत्या घरातुन कुणीतरी अज्ञात व्यक्तिने काहीतरी अज्ञात कारणासाठी फुस लावुन पळवुन नेले. दरम्यान नुकत्याच सर्वत्र शाळा सुरू झाल्याने मुले शाळेत जात असतात त्यातच या मुलास अज्ञात व्यक्तिने पळवुन नेल्याची घटना घडल्यामुळे परिसरात विद्यार्थी पालकांमध्ये आपल्या मुलांच्या सुरक्षेते विषयी एकच भिती व चिंता व्यक्त करण्यात येत आहे. या घटने बाबत नुर मोहम्मद खान या मुलाची आई सईदाबी साबीर खान यांनी पोलीसात तक्रार दिली. त्यानुसार यावल पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस उप निरिक्षक सुनिल मोरे हे करीत आहे.
