ब्रेकिंग; डांभुर्णीत दारुच्या नशेत हाणामारीत तान्या बारेलाचा मृत्यू.
Monday To Monday NewsNetwork।
यावल(प्रतिनिधी)। तालुक्यातील डांभुर्णी येथील पावरा वस्तीतील रहीवाशी तान्या लोटन बारेला वय ५० वर्ष व त्याचा आतेभाऊ अखिलेश बळीराम बारेला वय ३६वर्ष यांच्यात झालेल्या किरकोळ भांडणावरून त्याचे रुपांतर वादा… वादित झाले संशयित आरोपी अखिलेश बारेला( राहणार पिपलझपा मध्य प्रदेश ) याने लाकडी दांडक्याने मारहाण केल्याने तान्या लोटन बारेला याचा मृत्यू झाला आहे. ही घटना आज दि.९रोजी सायंकाळी ४.३० वाजेच्या सुमारास घडली .या घटनेची माहीती पोलिस पाटील यांनी पोलिसांना कळवताच यावल पोलीस स्टेशनचे पो.नि.सुधीर पाटील यांचे मार्गदर्शना खाली पी आय जितेंद्र खैरनार ए.एस.आय विजय पाचपोळे व त्यांचे सहकारी गणेश ढाकणे,सतीष भोई,विजय परदेशी,हे घटनास्थळी दाखल झाले.
घटनेचा पंचनामा करुन तान्या बारेलाचा मृतदेह शव विच्छेदनासाठी यावल ग्रामीण रूग्णालयात आणण्यात आला आहे पोलिसांनी संशयित आरोपीस ताब्यात घेतले आहे. रात्री उशिरापर्यंत येथील पोलिस ठाण्यात गुन्हा नोंदवण्याचे काम सुरू होते.
संशयीत आरोपी अखीलेश बारेला दारुच्या नशेत घरातुन पकडून यावल पोलीसांनी ताब्यात घेतले आहे.तान्या बारेला हा शेतमजुरी करुन घराचा ऊदरनिर्वाह करत होता त्याचे पश्चात पत्नी,मुलगा१,मुली पाच व पाच जावाई असा परीवार आहे.
