न्हावी येथील बेपत्ता मुलीचा मृतदेह आढळला ; वडील मात्र बेपत्ताच
फैजपूर, मंडे टू मंडे न्युज वृत्तसेवा। यावल तालुक्यातील न्हावी येथील गेल्या तीन दिवसा पासून बेपत्ता असलेल्या वडील व मुली पैकी मुलीचा मृतदेह न्हावी येथील विहिरीत आढळला मात्र वडील अद्याप बेपत्ता असल्याने संभ्रम वाढला आहे.
यावल तालुक्यातील न्हावी येथे ठुशा भावलाल बारेला हा आपल्या तीन मुलींसह राहतो. दि १७ आगस्ट रोज गुरुवार पासून अल्पवयीन पाच वर्षीय मुलगी अनिता बरेला ही वडिल ठुशा बारेला सोबत घराबाहेर पडली होती दोघे बेपत्ता झाल्याने त्यांचा शोध सुरू होता अशातच शनिवार रोजी संध्याकाळी गावाजवळ असलेल्या सुनील फिरके यांच्या शेतातील विहिरीत मुलीचा मृतदेह आढळून आला परंतु वडील अद्याप बेपत्ताच आहेत, मुलीचा मृतदेह पोलिसांनी यावल ग्रामीण रुग्णालयात नेऊन शवविच्छेदना नंतर कुटुंबाच्या ताब्यात देण्यात आला. या बाबत अकस्मात मृत्यूची नोंद करण्यात आली असून ही मुलगी दुर्धर आजाराने त्रस्त होती.
