दुचाकी व अज्ञात ट्रकचा भिषण अपघातात : एक ठार तर एक जखमी !
मंडे टू मंडे वृत्तसंकलंन।
यावल, मंडे टू मंडे वृत्तसेवा । यावल भुसावळ मार्गावरील रस्त्यावर दुचाकी व अज्ञात ट्रकच्या झालेल्या भिषण अपघातात दोन जण जखमी झाले असून यातील एकाचा जळगावला उपचारासाठी नेत असतांना रस्त्याने मृत्यू झाला आहे.
यावल येथील आठवडे बाजार परिसरात राहणारे बांधकाम कारागीर शेख शकील शेख ईबा ( वय ४७ ) व दहिगाव येथील मेहमुद खान फकीरा खान ( वय ५२ ) हे आज सकाळी यावलहुन भुसावळकडे मोटरसायकलने जात होते, भुसावळकडुन यावलच्या दिशेने येणाऱ्या अज्ञात ट्रकने भरधाव वेगात मोटरसायकलला धडक दिल्याने हे दोघे जण जखमी झाले यातील एकाची प्रकृती गंभीर असल्याने यावलच्या ग्रामीण रुग्णालयात दाखल केले मात्र, प्रथमोपचार केल्यावर दोघांना पुढील उपचारासाठी जळगाव येथे हलविण्यात आले यातील शेख शकील हे गंभीर जखमी झाल्याने त्यांनी जळगाव येथे उपचारासाठी नेत असतांना भुसावळजवळ रूग्णवाहिकेतच मृत्यू झाला आहे. अपघात झाल्यानंतर अज्ञात ट्रकचालक पुन्हा भुसावळच्या दिशेने पसार झाला आहे.
