दुचाकींच्या समोरा-समोर झालेल्या धडकेत दोन तरुणांचा मृत्यू
फैजपूर,ता.यावल,मंडे टू मंडे न्युज वृत्तसेवा। काल रात्री न्हावी मार्ग फैजपूर येथील मधुकर सहकारी साखर कारखान्याजवळ दोन दुचाकींची समोरा-समोर जोरदार धडक झाली यात दोन तरूणांचा मृत्यू झाल्याची दुर्दैवी घटना घडली .
या बाबत अधिक माहिती अशी की, काल रात्री सात-साडेसात वाजेच्याच सुमारास फैजपूर येथील मधुकर सहकारी साखर कारखान्याच्या जवळ दोन दुचाकींची समोरा-समोर जोरदार टक्कर झाल्याने दुचाकीवरील पावरा नामक ३० वर्षांचा तरूण जागीच ठार झाला. तर धीरज शशिकांत चौधरी (वय२४, रा. आमोदा, ता. यावल) हा गंभीर जखमी झाला. जखमी धीरज याला पहिल्यांदा फैजपुरात प्रथमोपचार करून जळगावातील खासगी रूग्णालयात दाखल करण्यात आले. मात्र उपचार सुरू असतांनाच रात्री साडेअकराच्या सुमारास त्याचे निधन झाले.
