महामंडलेश्वर जनार्दन हरिजी महाराज यांच्या प्रयत्नामुळे फैजपूर–भुसावळ रस्त्याचे भाग्य उजळणार
फैजपूर ता यावल, मंडे टू मंडे न्युज वृत्तसेवा | गेल्या अनेक दिवसापासून फैजपूर भुसावळ हा रस्ता खड्डेमय झाला होता. प्रवाशी नागरिक वैतागले होते. मात्र रस्ता दुरुस्त होत नव्हता. वाहन धारकांना मोठ्या प्रमाणावर कसरत करावी लागत होती. बऱ्याच दिवसापासून वेळोवेळी मागणी करून सुद्धा सदरहू काम होत नव्हते. फैजपूर भुसावळ रस्ता दुरुस्तीस शासनाची स्थगिती होती.
महामंडलेश्वर जनार्दन हरिजी महाराज यांनी घेतलेल्या समरसता महाकुंभासाठी येणाऱ्या भाविक भक्तांनाही याचा खुप त्रास सहन करावा लागणार असल्याने त्यांनी लक्ष घालून मंत्री महोदय ना. गिरीश महाजन, आ. राजुमामा भोळे, आ. संजय सावकारे, यांचेशी चर्चा केली. यासाठी अमोल हरीभाऊ जावळे, निलेश राणे यांनी पाठपुरावा केला.
या मागणीचे गांभीर्य व मागणी लक्षात घेऊन शासनाचे दिनांक २२-१२-२२ च्या पत्रानुसार ना. गिरीश महाजन यांनी शासनाकडून स्थगिती उठविली आहे. तात्काळ कामास सुरुवातही करण्यात येत आहे. महामंडलेश्वर जनार्दन हरिजी महाराज यांचेसह नागरिकांकडून याबाबत शासनाचे आभार व्यक्त केले आहे.
