मॉर्निंग वॉकला गेलेल्या पिता-पुत्राला कारने उडविले : पित्याचा मृत्यू !
Monday To Monday NewsNetwork|
नाशिक, मंडे टू मंडे वृत्तसंकलन : येथील पहाटे मॉर्निंग वॉकसाठी चाललेल्या पिता-पुत्रांना भरधाव वेगाने जाणाऱ्या कारने धडक दिल्याने पित्याच्या डोक्याला मार लागल्याने त्यांचा मृत्यू झाल्याची दुर्दैवी घटना घडली आहे.
पोलिसांनी दिलेली माहिती व जतिन विकास भिरुड (२०) यांच्या फिर्यादीनुसार विकास नथू भिरुड व त्यांचा मुलगा जतिन हे नेहमीप्रमाणे जयभवानीरोडने उपनगर नाक्यापर्यंत मॉर्निंग वॉकसाठी बुधवारी पहाटे ५ वाजेच्या सुमारास निघाले असता निसर्ग उपचार केंद्रासमोरून जाताना उपनगरकडून आलेल्या सफेद कारने (एमएच १५ इइ ०९०६) धडक दिली. अपघातानंतर वाहनचालक फरार झाला. अपघातात विकास भिरुड यांचा मृत्यू झाला. याबाबत उपनगर पोलिस ठाण्यात कारचालकाविरोधात गुन्हा दाखल करण्यात आला असून पोलीस पुढील तपास करीत आहे.
