गावठी कट्टा व दोन जिवंत काडतुसांसह तरुणाला अटक
वरणगाव, मंडे टु मंडे न्युज नेटवर्क l गावठी कट्टा आणि दोन जिवंत काडतुसे वरणगाव ऑर्डनन्स फॅक्टरीच्या मुख्य प्रवेशद्वाराजवळ साई मंदिर परिसरात पोलिसांनी जप्त केले असून अमर मधुकर कहार उर्फ परदेशी या तरुणाला काडतुसे व गावठी कट्ट्यासह अटक केली आहे.
वरणगाव ऑर्डनन्स फॅक्टरीच्या मुख्य प्रवेशद्वाराजवळ साई मंदिर परिसरात मुक्ताईनगर तालुक्यातील चांगदेव येथील रहिवासी अमर मधुकर कहार उर्फ परदेशी, वय ३० वर्ष. हा तरुण अवैध अग्नी शस्त्र बाळगून दहशत निर्माण करीत असल्याची माहिती पोलिसाना मिळाली होती. त्या नुसार वरणगाव पोलीसांनी त्याला ताब्यात घेतले. १८ फेब्रुवारी २०२५ रोजी घडलेल्या या घटनेत, पोलीसांनी त्याच्याकडून २० हजार रुपये किंमतीचा सिल्वर रंगाचा गावठी कट्टा आणि दोन जिवंत काडतुसे (४ हजार रुपये किमतीचे) जप्त केले. असा एकूण २४ हजार रुपये किमतीच्या वस्तू जप्त केल्या. या प्रकरणी भारतीय शस्त्र अधिनियम कलम 3/25 अंतर्गत वरणगाव पोलिस ठाण्यात गुन्हा दाखल करण्यात आला आहे.
ही कारवाई मुक्ताईनगर उपविभागीय पोलिस अधिकारी राजकुमार शिंदे व स पो नि जनार्धन खंडेराव यांच्या मार्गदर्शनाखाली पीएसआय रामदास गांगुर्डे, पोहेकॉ यासिन सत्तार पिंजारी, प्रेमचंद वसंत सपकाळे, प्रशांत विनायक ठाकुर, ईश्वर तायडे आणि विजय बावस्कर यांच्यासह पोलीस पथकाने ही कारवाई केली.
