अट्रावल येथील जागृत मुंजोबा देवस्थान यात्रा यंदा कोरोनामुळे रद्द
मंडे टू मंडे वृत्तसंकलन।
यावल (प्रतिनिधी)। कोरोनाच्या प्रादुर्भावामुळे तालुक्यातील अट्रावल येथील जागृत मुंजोबा देवस्थान येथील सालाबादाप्रमाणे भरणारी यात्रा या वर्षी रद्द करण्याचा निर्णय घेण्यात आला आहे.
अट्रावल येथील जागृत मुंजोबा देवस्थान येथे दर वर्षी मोठी यात्रा भरत असते मोठ्या संख्येने भाविक दर्शनासाठी येत असतात मात्र, यावर्षी दिनांक १३ ते २७ फेब्रुवारी या कालावधीत होणारी यात्रा यंदा कोरोना विषाणु संसर्गाच्या पार्श्वभुमीवर रद्द करण्यात आली आहे. गर्दी टाळण्यासाठी भाविकांनी इतर दिवशी देखील दर्शनाचा लाभ घ्यावा असे आवाहन मुंजोबा यात्रोत्सव समितीच्या वतीने करण्यात आले आहे,
यावल येथील तहसील कार्यालयात तहसिलदार महेश पवार यांच्या मार्गदर्शनाखाली ३ फेब्रुवारी रोजी यासंदर्भात बैठक संपन्न झाली यात मुंजोबा देवस्थानाची यात्रा या वर्षी रद्द करण्याचा निर्णय घेण्यात आला तसेच, यात्रेत आकाश पाळणे, लहान मुलांच्या खेळण्याची दुकाने, महीलासाठी मिळणारी संसार उपयोगी वस्तुंची दुकाने इतर विक्रीची दुकाने, हॉटेल्स, यांना परवानगी दिली जाणार नसून सदरील बैठकीस पोलीस उपनिरिक्षक विनोद खांडबहाले, पोलीस उप निरिक्षक ए आर पठान देवस्थानाचे विश्वस्त ललीत कोळी, दिपक तायडे, प्रभाकर कोळी, अनिल कोळी , जनार्दन कोळी, विक्रम कोळी व अट्रावल पोलीस पाटील पवन चौधरी उपस्थित होते .
