आंदलवाडी व गोलवाडे येथे अवैध दारू साठा पोलिसांकडून जप्त
मंडे टू मंडे वृत्तसंकलन।
खिर्डी ता.रावेर(प्रतिनिधी): रावेर तालुक्यातील आंदलवाडी येथे युवराज सदु कोळी हा इसम विनापास परमीटाशिवाय अवैधपणे देशी दारुची विक्री करीत असतांना मिळुन आल्याने त्याचे कडुन 1300 रु कि ची दारू जप्त करण्यात आली असुन त्याचे विरुद्ध निंभोरा पो स्टे ला कायदेशीर कारवाई करण्यात आली आहे.
याबाबत अधिक असे की, गोलवाडे ता. रावेर या गावी स्मशान भुमी जवळ रस्त्यावर रस्त्याचे बाजुला संजय विश्वनाथ तायडे, रा. गोलवाडे ता. रावेर हा इसम विनापास परमीटाशिवाय अवैधपणे गावठी हातभट्टी दारुची विक्री करीत असतांना मिळुन आल्याने त्याचे कडुन 35 लीटर 1400 रु कि ची दारू जप्त करण्यात आली असुन त्याचे विरुद्ध निंभोरा पो स्टे कायदेशीर कारवाई करण्यात आली आहे. सदरची कारवाई सपोनि. स्वप्नील उनवणे यांचे मार्गदर्शनाखाली पोनाकॉ. ईश्वर चव्हान, नापोकॉ. स्वप्नील पाटील, पो कॉ. जाकीर पिंजारी यांनी केली असुन पो कॉ. जाकीर पिंजारी यांचे फिर्यादीवरून गुन्हा दाखल करण्यात आला असुन पुढील तपास पोनाकॉ. ईश्वर चव्हान हे करीत आहे.
