आयशर वाहनाची पादचाऱ्यास जोरदार धडक
मंडे टू मंडे वृत्तसंकलन।
यावल (प्रतिनिधी)। येथील यावल-चोपडा मार्गावरील वेगाने जाणाऱ्या आयशर वाहनाने पादचाऱ्यास उडविल्याने झालेल्या अपघात एक व्यक्ती गंभीर जखमी झाल्याची घटना घडली आहे.
याबाबत सविस्तर माहिती अशी की, यावल चोपडा मार्गावरील डॉ.झाकीर हुसैन उर्दू हायस्कुल फाटया जवळ शुक्रवारी सकाळी ८.३५ वाजेच्या सुमारास यावल-चोपडा रोडवर चोपडयाकडे जाणाऱ्या आयसर ट्रक वाहन क्रमांक HR ७३ A ६३१९या वाहनचालकाने भरधाव वेगाने ट्रकने रस्त्यावर कडेने जाणारे अब्दुल हमीद शेख मोहम्मद वय ७० वर्ष राहणार डांगपुरा ता.यावल यांना जोरदार धडक दिली व ट्रकचालक घटनास्थळावरून पळुन गेल्याने घटनास्थळी उपस्थित नागरीकांनी तात्काळ जख्मी अब्दुल हमीद शेख मोहम्मद उपचारासाठी रुग्णालयात हलविण्यात आले.
यासंदर्भात जख्मी सोबत असलेले शेख मुस्ताक शेख हसैन यांनी पोलीसात तक्रार दिल्याने वाहनचालका विरूद्ध भाग ५ गुरन५० / २०२१ भादवी कलम२७९ , ३३८ , मोटर वाहन कायदा कलम१८४, १३४ ( ब ) प्रमाणे गुन्हा नोंदविण्यात आला असुन, घटनेचा तपास पोलीस निरिक्षक सुधीर पाटील यांच्या मार्गदर्शनाखाली करीत असून मिळालेल्या माहीतीनुसार अडावद पोलीसांच्या मदतीने अपघातास कारणीभुत वाहनचालकास ट्रकसह पकडण्यात आले आहे.
