मुक्ताईनगर राष्ट्रवादी काँग्रेस पक्ष तालुका विस्तृत आढावा बैठक संपन्न !
मुक्ताईनगर, मंडे टू मंडे न्युज प्रतिनिधि | राष्ट्रवादी काँग्रेस पक्षाचे राष्ट्रीय अध्यक्ष माजी केंद्रीय मंत्री खासदार शरदचंद्र पवार यांच्या जाहिर सभेचे येत्या 5 सप्टेंबर रोजी सागर पार्क जळगाव येथे आयोजन करण्यात आले आहे या सभेच्या नियोजनासाठी तसेच माजी महसुल कृषी मंत्री आमदार एकनाथराव खडसे यांच्या 2 सप्टेंबर रोजी असलेल्या वाढदिवसा निमीत्ताने आयोजीत कार्यक्रमांचे नियोजन करण्यासाठी राष्ट्रवादी काँग्रेस पक्ष मुक्ताईनगरची विस्तृत बैठक आज मुक्ताईनगर येथे पार पडली
यावेळी बैठकीस राष्ट्रवादी काँगेसच्या नेत्या रोहिणी खडसे यांनी मार्गदर्शन केले त्या म्हणाल्या, राष्ट्रवादी काँग्रेस पक्षाचे राष्ट्रीय अध्यक्ष, आदरणीय खासदार शरदचंद्रजी पवार साहेब यांची 5 सप्टेंबर रोजी जळगाव येथे जाहिर सभा होणार आहे. राष्ट्रवादी काँग्रेस पक्ष हा समता व संविधानाच्या मार्गाने चालणारा पक्ष आहे. आदरणीय शरद पवार यांनी त्यांच्या कार्यकाळात ७० हजार कोटींच्या कर्जमाफीची घोषणा केली. महिलांना आरक्षण दिले त्यांनी कृषि संदर्भात अनेक योजना आणल्या. महाराष्ट्राला एका वेगळ्या उंचीवर नेण्याचे काम पवार साहेबांच्या नेतृत्वात झाले परंतु तत्कालीन सत्ताधारी हे स्वत:चं अपयश लपवण्यासाठी पवार यांनी काहीच केलं नाही असं दर्शवण्याचा खोटारडेपणा करत आहेत आपले काही सहकारी या काळात पवाराना सोडुन गेले म्हणून हि वेळ आपला स्वाभिमान असलेल्या शरद पवार यांना साथ देण्याची आहे म्हणूनच जळगाव येथील मा.शरदचंद्र पवार यांची सभा न भुतो न भविष्यती अशी आपणा सर्वांना यशस्वी करायची आहे त्यासाठी पदाधिकारी आणि कार्यकर्त्यांनी नियोजन करावे तसेच आ. एकनाथरावजी खडसे यांचा वाढदिवस विविध जनहिताचे लोकोपयोगी कार्यक्रमराबवून साजरा करावा असे उपस्थित पदाधिकारी कार्यकर्त्यांना रोहिणी खडसे यांनी आवाहन केले
यावेळी राष्ट्रवादी काँग्रेस पक्षाचे जिल्हाध्यक्ष रविंद्र पाटील मार्गदर्शन करताना म्हणाले, येत्या 5 सप्टेंबर रोजी सागर पार्क मैदान जळगाव येथे शरद पवार यांच्या जाहिर सभेचे आयोजन करण्यात आले आहे येवला, बिड, कोल्हापूर नंतर जळगाव येथे सभा पार पडणार आहे या सभेला चाळीस हजार नागरिक कार्यकर्ते उपस्थित राहणार आहेत हि सभा यशस्वी करण्यासाठी आपणा सर्व पदाधिकऱ्यांना मेहनत घ्यायची आहे सर्वांना सभेचे निरोप देऊन सभेला उपस्थित राहायचे आहे तसेच येत्या दोन सप्टेंबर रोजी आपले नेते आ एकनाथराव खडसे यांचा वाढदिवस आहे सर्व कार्यकर्त्यांनी आप आपल्या गावात त्यानिमित्ताने कार्यक्रमाचे आयोजन करावे मुक्ताईनगर येथील मुख्य कार्यक्रमास कर्जतचे आमदार युवा नेते रोहित पवार आणि युवा नेते रोहित आर आर पाटील यांची प्रमुख उपस्थिती राहणार आहे
तरी या कार्यक्रमास उपस्थित राहण्याचे रविंद्र पाटील यांनी उपस्थितांना आवाहन केले
यावेळी राष्ट्रवादी काँग्रेस फ्रंटल जिल्हा समन्वयक विकासजी पवार, प्रदेश सरचिटणीस रमेश पाटील ,प्रदेशाध्यक्ष राष्ट्रवादी काँग्रेस ग्रंथालय सेल उमेश पाटील, राष्ट्रवादी युवक काँग्रेस जिल्हाध्यक्ष उमेश पाटील, प्रदेश समन्वयक राष्ट्रवादी काँग्रेस ग्रंथालय सेल रिटाताई बाविस्कर, जिल्हाध्यक्ष राष्ट्रवादी काँग्रेस आदिवासी सेल इब्राहिमजी तडवी, जिल्हा सरचिटणीस ईश्वर रहाणे, राष्ट्रवादी काँग्रेस मुक्ताईनगर तालुका अध्यक्ष यु डी पाटील सर, बाजार समिती सभापती सुधीर तराळ, माजी बाजार समिती सभापती निवृत्ती पाटील, माजी प स सभापती दशरथ कांडेलकर विलास धायडे, राजु माळी, डॉ बि सी महाजन आणि राष्ट्रवादी काँग्रेसचे पदाधिकारी उपस्थित होते
