रोझोदा हादरले; वृध्द दाम्पत्याची निर्घृण हत्या, चोरीच्या उद्देशाने हत्या झाल्याचा अंदाज ?
रोझोदा ता.रावेर (प्रतिनिधी): सावद्या पासून तीन किलोमीटर असलेल्या रोझोदा येथील एका वृध्द दाम्पत्याची निर्घृण हत्या करण्यात आल्याचे घटना उघडकीस आल्याने परिसरात मोठी खळबळ उडाली आहे.
याबाबत अधिक माहिती अशी की, रोझोदा येथे ओंकार पांडुरंग भारंबे ( वय९०) आणि त्यांची पत्नी सुमन ओंकार भारंबे (वय ८५) हे वयोवृध्द दाम्पत्य राहात असून त्यांच्या परिसरात कोरोना रुग्ण निघाल्याने गेल्या काही दिवसांपासून त्यांच्या परिसराला कंटेनमेंट झोन म्हणून जाहीर करण्यात आले होते. येथील डॉक्टर नेहमी प्रमाणे सकाळी कंटेनमेंट झोनमधील नागरिकांना चेक करत असता आज सकाळी डॉक्टर डाँ.हारुन काझी चेकींगसाठी आले असता त्यांना भारंबे दाम्पत्याच्या घराचा दरवाजा थोडा उघडा दिसला. आवाज देऊनही घरातून कुणी प्रतिसाद न दिल्याने त्यांनी दरवाजा उघडला. तेव्हा हे दोन्ही पती-पत्नी रक्ताच्या थारोळ्यात पडल्याचे त्यांना दिसून आले.
डॉक्टरनी लागलीच पोलिसांना कळविल्याने सावदा येथील पोलिसांनी सावदा पोलिस स्टेशनचे सहायक पोलिस निरिक्षक राहूल वाघ आपल्या पथकासह घटनास्थळी तातडीने धाव घेतली. व पुढील कारवाईस सुरुवात केली. घटना स्थळी डी वाय एस पी नरेंद्र पिंगळे यांनी भेट दिली, सदरहू दांपत्त्या ची निर्दयी हत्त्या कोणी ,कशा साठी केली या बाबत अनेक तर्क-वितर्क मांडले जात असून या बाबत अधिक माहिती घेतली असता ही निर्दयी हत्त्या चोरीचा उद्देशातून झालेली असावी असा कयास मानला जात आहे ..
