शिवसेनेकडून भाजपसह खडसेना धक्का : बोदवड नगराध्यक्षांसह १० नगरसेवक गळाला !
मंडे टू मंडे वृत्तसंकलन।
मुंबई, प्रतिनिधी : काही महिन्यांपूर्वी मुक्ताईनगरातील ६ नगरसेवकांचा शिवसेनेत प्रवेश करून शिवसेनेने भाजपा जबरदस्त झटका दिला होता. यानंतर आमदार चंद्रकांत पाटील यांनी अजून काही नगरसेवक शिवसेनेत येणार असल्याचा दावा केला होता. त्यातच आज शुक्रवारी रोजी पुन्हा दुसऱ्यांदा शिवसेनेने माजी मंत्री खडसेंचेसह भाजपला धक्का देत बोदवड नगराध्यक्षासह 10 नगरसेवकांना शिवसेनेने आपल्या गळाला लावले असून मातोश्री येथे प्रवेश केला आहे.
यांनी घेतला प्रवेश– बोदवड नगरपंचायतीत भाजपला खिंडार पाडत शिवसेनेने नगराध्यक्षा श्रीमती मुमताजबी सईद बागवान,श्री. देवेंद्र समाधान खेवलकर (प्र.क्र.३ राष्ट्रवादी गटनेता तथा नगरसेवक) , श्रीमती आफरिन सय्यद असलम बागवान (प्र.क्र.४ नगरसेविका) , श्रीमती सुशीलाबाई मधुकर खाटीक (प्र.क्र.५ नगरसेविका) , श्री.अकबर बेग मिर्झा (प्र.क्र.८ नगरसेवक) , श्रीमती सुशिलाबाई आनंदा पाटील (प्र.क्र.९ नगरसेविका) , श्री.नितीन रमेश चव्हाण (प्र.क्र.११ नगरसेवक) , श्री.सुनील कडू बोरसे (प्र.क्र.१२ नगरसेवक) ,श्रीमती साकीनाबी शे.कलिम कुरेशी (प्र.क्र.१४ नगरसेविका) , श्रीमती आसमाबी शे.इरफान (प्र.क्र.१५ नगरसेविका) यांना शिवसेनेत जाहीर प्रवेश दिला असून सर्व शिवबंधनात आले आहेत. यावेळी राज्याचे नगरविकास मंत्री ना.एकनाथजी शिंदे, राज्याचे पाणीपुरवठा व स्वच्छता मंत्री तथा पालकमंत्री,जळगांव ना.गुलाबरावजी पाटील, शिवसेना जिल्हाप्रमुख तथा आमदार चंद्रकांतजी पाटील तसेच शिवसेना तालुका प्रमुख छोटू भोई , विधानसभा क्षेत्रप्रमुख सुनील पाटील, गटनेता तथा शहरप्रमुख राजेंद्र हिवराळे, नगरसेवक पियुष मोरे, मुकेश वानखेडे, आरिफ आझाद, दीपक संतोष माळी, अफसर खान , जमील बागवान, मोहसीन बागवान, रितेश सोनार आदींची उपस्थिती होती.
मुक्ताईनगर येथील दुसरा गटनेता देखील गळाला– अवघ्या काही महिन्यांपूर्वी मुक्ताईनगर नगरपंचायतीत भाजपच्या निर्विवाद सत्तेला सुरुंग लावत शिवसेनेने भाजप गटनेत्यांसह तब्बल ६ नगरसेवकांनी मुख्यमंत्री उद्धव ठाकरे यांच्या उपस्थित शिवसेनेत प्रवेश केला होता. या घडामोडिंना अवघे काही दिवस उलटत नाही तोच शिवसेनेने भाजपचा दुसरा गटनेता देखील आता गळाला लावला असून बोदवड नगरपंचायत प्रवेशासह गटनेता निलेश प्रभाकर शिरसाठ यांनी देखील शिवसेनेत जाहीर प्रवेश केला आहे
