हंबर्डीत तरुणाची गळफास घेऊन आत्महत्या
मंडे टू मंडे वृत्तसंकलन।
फैजपूर (प्रतिनिधी)। येथून जवळच असलेल्या हंबर्डी, ता.यावल,येथील १७ वर्षीय तरुणाने संतापाच्या भरात राहत्या घरात दोरीने गळफास घेवून आत्महत्या केल्याची धक्कादायक घटना आज सकाळी उघडकीस आली.
सविस्तर असे की, यावल तालुक्यातील हंबर्डी येथील नवीन वस्तीत राहणाऱ्या उदय हेमंत पाटील ,वय-१७ यांने घरात कुणीही नसल्याचे पाहून संतापाच्या भरात आज मंगळवारी २७ एप्रिल रोजी सकाळी १०ते ११ वाजेच्या सुमारास आपल्या राहत्या घरात छताच्या हुकला दोरी बांधुन गळफास घेवुन आत्महत्या केल्याची घटना घडली,घरचे सदस्य घरी आल्यावर हा प्रकार उघडकीला आला, उदय हा हेमंत सुधाकर पाटील यांचा एकुलता एक मुलगा होता, अचानक घडलेल्या या घटनेने त्याच्या कुटुंबावर दुखाचा डोंगर कोसळला असून परिसरात हळहळ व्यक्त होत आहे ,या बाबत फैजपुर पोलीस स्टेशनला प्रशांत चंद्रकांत पाटील यांनी खबरीवरून अकस्मात मृत्यूची नोंद करण्यात आली आहे.मयत उदय पाटील याचे मृतदेह शवविच्छेदन यावलच्या ग्रामीण रुग्णालयाचे वैद्यकीय अधिकारी डॉ .बी बी बारेला यांनी केले.
