जळगाव जिल्ह्यात आज ८२० कोरोनातून मुक्त; नविन ४०३ पॉझिटिव्ह !
जळगाव (प्रतिनिधी)। आज जिल्ह्यात नवीन ४०३ कोरोना बाधीत आढळून आले असून यासोबत आज जिल्ह्यातील ८२० रूग्णांनी कोरोनावर मात केली आहे.
जिल्हा माहिती कार्यालयाने आज संध्याकाळी एका प्रेस नोटच्या माध्यमातून जिल्ह्यातील कोरोना पॉझिटीव्ह रूग्णांची माहिती दिली आहे. यानुसार आज जळगाव शहर ९१, जळगाव ग्रामीण १३, भुसावळ ६६, अमळनेर २९, चोपडा ३०, पाचोरा २, भडगाव ४, धरणगाव २०, यावल ३३, एरंडोल २१, जामनेर १८, रावेर ७, पारोळा २४, चाळीसगाव २५, मुक्ताईनगर १०, बोदवड ५ आणि इतर जिल्ह्यातील ५ असे एकुण ४०३ रूग्ण आढळून आले आहेत.
जिल्ह्यात एकूण कोरोना बाधीतांचा आकडा ४६२७५ इतका झालेला आहे. यातील ३६७८१ रूग्ण बरे झाले आहेत. आज ८ रुग्णांचा मृत्यू झाला असून आजवरील मृतांची संख्या ११४५ इतकी तर उपचार घेत असलेले ८३४९ असल्याचे जिल्हा माहिती कार्यालयाने जाहीर केले आहे.
