खान्देशचा सुपुत्र राज्यात प्रथम; सावद्यातील चि.सोहंमचे राज्यस्तरीय चित्रकला स्पर्धेत यश
उल्हासनगर (प्रतिनिधी)। मुलांना आपल्या कला गुणांना वाव देता यावा म्हणून Confederation Of UNESCO Clubs and Associations of India (CUCAI) – New Delhi आणि UNESCO School Clubs Maharastra यांच्या संयुक्त विद्यमाने राज्यस्तरीय कोविड-१९ जनजागृती चित्रकला स्पर्धेचे आयोजन करण्यात आले होते.
सदरील स्पर्धा राज्य पातळीवर घेण्यात आली, स्पर्धेचे सादरीकरण ऑनलाईन पद्धतीने करण्यात आले असून त्यात रावेर तालुक्यातील सावदा शहरातील रविवार पेठ येथील रहिवासी असलेले मोतीराम चुडामन पाटील यांचे नातू व दीपक मोतीराम पाटील ह.मु. उल्हासनगर यांचे चिरंजीव सोहम यानें (उच्च प्राथमिक गट) ६ ते ८ वयोगटात राज्यस्तरावर प्रथम क्रमांक पटकावत सावदा शहराचे नाव राज्य पातळीवर चमकले असून त्याला गोल्ड मेडल, ट्रोपीसह प्रशस्तीपत्र व जम्बो ड्रॉईंग शीट देऊ गौरव करण्यात आला, त्यांचे परिसरातून अभिनंदन केले जात आहे. स्पर्धेत सादरीकरण हे ऑनलाइनच्या माध्यमातून करण्यात आले होते. विशेष म्हणजे स्पर्धेत २५००० हजार स्पर्धकांनी सहभाग नोंदवला होता.
