पिंपरूड-फैजपूर फाट्यावर अज्ञात वाहनाच्या धडकेत दुचाकीस्वार पिता-पुत्राचा दुर्दैवी मृत्यू
मंडे टू मंडे वृत्तसंकलन।
फैजपुर (प्रतिनिधि):- आज रोजी सकाळी पिंपरुड फाट्याजवळ अज्ञात वाहनाने दुचाकीला धडक दिल्याने मूळ रहिवाशी चिखली, ता,यावल सध्या फैजपूर गुरुदत्त कॉलनी येथील पिता ठार तर पुत्र गंभीर झाला होता. मात्र या अपघातात गंभीर जखमी असलेल्या पुत्राचा ही उपचार सुरू होण्याआधीच मृत्यू झाला.
फैजपूर येथील गुरुदत्त कॉलनी येथील रहिवासी गोपाल पाटील .वय ६६ व त्यांचा मुलगा खेमा गोपाल पाटील ,वय ३५ दुचाकी क्रमांक एमएच १९ बिडी ५४४२ वरुन दोघे आपल्या मूळ गावी चिखली येथे गेले असताना ते तेथून शनिवारी सकाळी दहा वाजेच्या सुमारास फैजपुर येथे परतत असतांना भुसावळ-फैजपूर रस्त्याच्या जवळील पिंपरुड फाट्याजवळ एका अज्ञात वाहनाने त्यांच्या दुचाकीला जबर धडक दिली. या अपघातात गोपाळ पाटील हे जागीच ठार झाले. तर खेमा पाटील हा गंभीर जखमी झाला.अपघाताचे वृत्त कळताच फैजपूर येथील भरत अरोरा व अमोल चौधरी, मुकेश मेढे,सुधाकर चौधरी, विकी जैस्वाल, समर्थ सोनार.यांनी गंभीर जखमी असलेल्या खेमा पाटील याला अमोल चौधरी यांनी आपल्या अम्बुलन्स मध्ये टाकून उपचारासाठी तातडीने जळगाव येथे नेले मात्र उपचार सुरू होण्यापूर्वी तो मृत्यू पावला त्याला तेथील डॉक्टरांनी मृत घोषित केले.
याप्रकरणी फैजपुर पोलिसात अज्ञात वाहनधारका विरुद्ध अपघाताचा गुन्हा दाखल झाला असून, पुढील तपास सहाय्यक निरीक्षक प्रकाश वानखेडे यांच्या मार्गदर्शनाखाली पोलिस उपनिरीक्षक रोहिदास ठोंबरे करीत आहे.
