ब्रेकिंग : महामार्गावर भीषण अपघात, कार-ट्रकचा चक्काचूर, चौघांचा जागीच मृत्यू , दोन गंभीर
मंडे टु मंडे न्युज नेटवर्क l रात्रीच्या सुमारास एक भीषण अपघाताची घटना घडली. या घटनेत कार मधील ४ जणांचा जागीच मृत्यू झाला. तर दोन जण गंभीर जखमी झाले. कार आणि आशयर ट्रकची समोरासमोर धडक झाली. दोन्ही वाहनांचा चक्काचूर झाला. अपघात इतका भीषण होता की कारचा पत्रा कापून मृतदेह काढण्यात आले. ही घटना नाशिक जिल्ह्यात शुक्रवारी मुंबई-आग्रा महामार्गावर घडली.
मिळालेल्या माहितीनुसार मुंबई-आग्रा महामार्गावरून नाशिककडून आडगावकडे कोंबडी खत वाहतूक करणारा आयशर ट्रक सुसाट वेगाने जात होता. आणि याचवेळी अचानक ट्रकचा टायर फुटला. काही क्षणातच ट्रक दुभाजकावर चढून थेट विरुद्ध बाजूच्या नाशिक लेनवर जाऊन कारवर आदळला. अपघात इतका भीषण होता की, यात कारचा अक्षरश: चक्काचूर झाला. जवानांकडून कारचा पत्रा कापून मृतदेह काढण्यात आले.
या अपघातात कारमधील रहेमान सुलेमान तांबोळी (वय ४८) अरबाज चांदुभाई तांबोळी (वय २१, दोघे. रा.लेखनगर सिडको) सीज्जू पठाण (वय ३८, रा.इंदिरानगर) अक्षय जाधव (२४, रा. श्रध्दा विहार, इंदिरानगर) हे ४ जण जागीच ठार झाले. तर ट्रक चालक आणि क्लिनर गंभीर जखमी झाले. मृत व्यक्तींचा भाजीपाला विक्रीचा व्यवसाय असल्याने हे सगळे जण देवळा तालुक्यातील सटाणा येथे गेले होते. तेथून नाशिकच्या दिशेने परतत असताना ही भीषण दुर्घटना घडली.
