रावेर तालुक्यात दोन गावठी पिस्टल सह आरोपी ताब्यात
रावेर, मंडे टु मंडे न्युज नेटवर्क | रावेर तालुक्यातील खर्डी येथे अवैधरित्या दोन गावठी पिस्टल बाळगणाऱ्या अनिल रामलाल बारेला (वय २८, रा. खिर्डी ता.रावेर) या तरुणाला निंभारा पोलिसांनी अटक केली असून त्याच्या कडून दोन गावठी पिस्तूल जप्त करण्यात आले आहे
खिर्डी खुर्द शिवारातील निळकंठ पुंडलिक बढे यांच्या शेत गट क्रमांक ३४९ मध्ये एका घरा शेजारी अनिल रामलाल बारेला (वय २८, रा. खिर्डी ता.रावेर) हा तरुण दहशत निर्माण करण्याच्या उद्देशाने अवैधरित्या गावठी पिस्टल बाळगून असल्याची माहिती निंभोर्याचे सहाय्यक निरीक्षक हरिदास बोचरे यांना मिळाल्यानंतर त्यांनी पथकाला कारवाईचे निर्देश दिले. रविवारी रात्री ९ वाजेच्या सुमारास पथकाने संशयीताला ताब्यात घेतले. अंग झडतीत दोन पिस्टल निघाल्याने ते जप्त करण्यात आले असून या संदर्भात निंभोरा पोलिसात गुन्हा दाखल करण्यात आला आहे.
