आच्चर्यम् : बैल चढला पोलीस स्टेशनच्या छतावर
मंडे टु मंडे न्युज नेटवर्क l एका पोलीस स्टेशनच्या छतावर बैल चढल्याने खळबळ उडाली. परिसरात मोकाट हिंडणारा बैल अचानक पोलीस स्टेशनच्या छतावर दिसू लागला. त्यामुळे पोलीस स्टेशनमध्येही घबराट पसरली होती.
उत्तर प्रदेश राज्यातील रायबरेली जिल्ह्यातील सलोन येथील एका पोलीस स्टेशनच्या छतावर बैल चढल्याने खळबळ उडाली. परिसरात मोकाट हिंडणारा बैल अचानक पोलीस स्टेशनच्या छतावर दिसू लागला. त्यामुळे पोलीस स्टेशनमध्येही घबराट पसरली होती. विविध कारणांनी पोलीस स्टेशनमध्ये आलेल्या नागरिकांसह या बैलाला पाहण्यासाठी मोठी गर्दी केली होती. त्यातील काही मंडळींनी या बैलाचा फोटो काढला आणि सोशल मीडियावर शेअर केला. जो आता व्हायरल झाला आहे. दरम्यान, बैल छतावर पोहोचला यापेक्षा तो छतावर चढलाच कसा याचीच अधिक चर्चा परिसरात रंगली होती.
पोलीस स्टेशनमध्ये बघ्यांची गर्दी
अनेकांच्या मदतीला धावणारे आणि अडचणींतून मार्ग काढणारे पोलीसच काही वेळ अडचणीत आले होते. बैला सारखा एखादा मोठा आणि चार पायांचा प्राणी पोलीस स्टेशनच्या छतावर चढला हे पोलिसांसाठीही आश्चर्यच होते. अनेकांच्या पहिल्यांदाच पाहण्यात आलेली ही घटना परिसरात वाऱ्यासारखी पसरली. ज्यामुळे हा प्रकार पाहण्यासाठी बघ्याची मोठी गर्दी जमली. परिसरातही या प्रकरणाची जोरदार चर्चा रंगली आहे.
