राष्ट्रीय महामार्गावरील भीषण अपघातात दोन तरूणांचा मृत्यू
भुसावळ,मंडे टू मंडे न्युज वृत्तसेवा। राष्ट्रीय महामार्गावर रात्री झालेल्या भीषण अपघातात मोहम्मद इम्तियाज कासीम आणि विष्णू गोविंद कारमुंगे या दोन तरूणांचा मृत्यू झाल्याची दुर्घटना रात्री अकरा वाजेच्या सुमारास घडली.
अरफाज मोहम्मद इम्तियाज कासीम (२२, रा.आझाद मार्केट, खडका रोड, भुसावळ) आणि विष्णू गोविंद कारमुंगे (२२, गरूड प्लॉट, भुसावळ) हे दोघे तरुण मित्र काल रात्री ११ वाजेच्या सुमारास एम.एच.१९ सी.टी.८५७२ या क्रमांकाच्या दुचाकीवरून जात असताना राष्ट्रीय महामार्ग क्रमांक सहावरील मुन्ना तेली यांच्या पेट्रोल पंपासमोर डंपरला पाठीमागून धडक दिल्याने दोघे मित्र जबर जखमी झाले. या दोघांना रुग्णालयात हलवण्यात आले मात्र याआधीच त्यांची प्राणज्योत मालवली. मयत अरफाज हा न्यूज-१८ लोकमतचे पत्रकार मो.इम्तियाज यांचा मुलगा असून दोन्ही मयत तरूणांवर शोकाकुल वातावरणात अंत्यसंस्कार करण्यात आले.
