धक्कादायक : भरधाव ट्रक घरात शिरल्याने एकाचा मृत्यू ३ जखमी !
भुसावळ, मंडे टू मंडे वृत्तसेवा : शहरातील गजानन महाराज मंदिराजवळ भरधाव वेगाने धावणारा ट्रक घरात शिरल्याची थरारक घटना घडली आहे. यात एकाचा मृत्यू झाला असून तिघे जण जखमी झाले आहेत. सदरील घटनेने परिसरात खळबळ उडाली आहे.
शहरातील यावल रस्त्याने भर दिवसा अकरा वाजेच्या सुमारास भरधाव वेगाने धावणार्‍या (एमएच ४६ एएफ ५५५४) क्रमांकाच्या मिनी ट्रकने आधी दोन जणांना कट मारत भरदाव वेगाने गजानन महाराज मंदिराच्या जवळ असणार्‍या घराला जोरदार धडक दिली या घटनेत घरात दोन जणांपैकी एकाचा मृत्यू झाला असून एक जण जखमी झाला आहे. तर, रस्त्यावर कट मारल्याने देखील दोन जण जखमी झाले आहेत. शहरात घडलेल्या या घटनेने खळबळ उडाली आहे.
शहर पोलीस स्थानकाच्या पथकाने तातडीने घटनास्थळी धाव घेतली असून तपास सुरू केला आहे. दरम्यान, ट्रकचा चालक हा मद्यधुंद होता की काय ? यबाबातच चौकशी करण्यात येत आहे. तर रस्त्याला लागून असणार्‍या झोपडीवजा घरावर हा ट्रक आदळल्याने या घराचे मोठे नुकसान देखील झाले आहे. यावल रोडवरील असुरक्षित वाहतुकीचा मुद्दा यातून पुन्हा एकदा ऐरणीवर आला आहे.
