Breaking : दिल्लीत भाजपची जोरदार मुसंडी, ” आप ” ला मोठा धक्का,भाजप ४५ तर आप २५ जागा
नवी दिल्ली, मंडे टु मंडे न्युज नेटवर्क l दिल्ली विधानसभेच्या आज झालेल्या मतमोजणीतून भारतीय जनता पक्षाला दणदणीत बहुमत मिळणार असल्याचे स्पष्ट झाले आहे. ७० जागांपैकी ४६ जागांवर भाजप पुढे असून तब्बल २४ वर्षानंतर येथे कमळ फुलले आहे.
२०२५ च्या दिल्ली विधानसभेच्या पंचवार्षिक निवडणुकीत मोठी चुरस पाहायला मिळाली. निवडणुकीआधी आम आदमी पक्ष व काँग्रेसची आघाडी होणार असल्याची चर्चा होती. प्रत्यक्षात तसे झाले नाही, यामुळे येथे तिरंगी सामना रंगला. निवडणुकीच्या काळात आरोप-प्रत्यारोपांच्या अनेक फैरी झडल्या. यात ५ फेब्रुवारी रोजी ७० जागांसाठी मतदान झाले. एक्झिट पोल मध्ये भाजप बाजी मारणार असे दाखविण्यात आले आहे.
आज सकाळी आठ वाजे पासून झालेल्या मतदानाची मोजणी करण्यात आली. यात प्रारंभी पोस्टल आणि नंतर मतदान यंत्रांची मोजणी करण्यात आली. पोस्टल फेरीपासून भाजपने घेतलेली जोरदार आघाडी ही ईव्हीएमच्या मत मोजणीतून देखील कायम राहिली आहे. सकाळी अकरा वाजेच्या सुमारास दिल्लीतील ७० पैकी ४६ जागांवर भाजपचे उमेदवार आघाडीवर असून सत्ताधारी आम आदमी पक्षाला २४ जागांवर आघाडी मिळाली आहे. तर कांग्रसला भोपळा मिळाला आहे. यामुळे भाजपला स्पष्ट बहुमत मिळणार असल्याचे चित्र दिसून आले आहे. शेवटच्या फेऱ्यांमध्ये फार मोठा उलटफेर न झाल्यास दिल्लीत भाजपला दणदणीत बहुमत मिळणार असल्याचे स्पष्ट झाले आहे.
