मोठी कारवाई ; १५१ पोते गुटखा भरलेला कंटेनर पकडला
चाळीसगाव,मंडे टू मंडे न्युज वृत्तसेवा।। पुन्हा एकदा मोठी कारवाई करत पोलिसांनी १५१ पोते गुटखा भरलेला कंटेनर चाळीसगावात पकडला.या कारवाईने गुटखा व्यावसायीकात खळबळ उडाली आहे.
चाळीसगाव परिसरतुन अवैध गुटखा वाहून नेत असल्याची माहिती शहर पोलिसांना मिळाली असता मालेगाव रोड बायपास जवळ पथकाने सापळा रचून एक संशयास्पद कंटेनर ची तपासणी केली असता त्यात १५१ पोते गुटखा भरलेला आढळला त्याची किंमत ९२ लाख रुपये असल्याचे निष्पन्न झाले.ट्रक आणि गुटख्याचा साठा पोलिसांनी जप्त केला असून चाळीसगाव परिसरातून नेहमीच अशी मोठ्या प्रमाणात अवैध गुटख्याची वाहतूक होत असते या आधी देखील अनेकदा गुटखा जप्त केल्याच्या घटना घडल्या आहेत. ही कारवाई पोलिस निरीक्षक के.के. पाटील यांच्या मार्गदर्शनाखाली सहाय्यक निरीक्षक विशाल टकले, सागर ढिकले,याच्या पथका कडून करण्यात आली.
