आधी टिकटॉकवर ओळख, नंतर महिलेकडून मुलावर बलात्कार
सांगली (वृत्तसंस्था) : टिकटॉकवर ओळख झालेल्या अल्पवयीन मुलावर महिलेने बलात्कार केल्याची तक्रार दाखल करण्यात आली आहे. तसेच, महिलेने मुलाचे लैंगिक शोषण (sexually abuse) केल्याचा आरोपही मुलाच्या वडिलांनी केला आहे. ही तक्रार संजयनगर पोलीस ठाण्यात दाखल करण्यात आली आहे. दाखल तक्रारीनुसार संशयित महिलेविरोधात पोक्सो काद्यांतर्गत गुन्हा दाखल करण्यात आला आहे. अल्पवयीन मुलगा मूळचा नांदेड जिल्ह्यातील रहिवाशी आहे.
आधी टिकॉकवर ओळख नंतर प्रेमाचं जाळं
मिळालेल्या माहितीनुसार, संशयित महिलेची आणि अल्पवयीन मुलाची टिकट़ॉकवर ओळख झाली. या दोघांमध्ये संवाद वाढत राहीला. याच गोष्टीचा फायदा घेत महिलेने अल्पवयीन मुलाला तिच्या प्रेमाच्या जाळ्यात ओढलं. त्यांतर महिलेने मुलाला माधवनगर येथे भेटायला येण्याचा आग्रह केला. भेटायला न आल्यास आत्महत्या करण्याचीही या महिलेने त्याला धमकी दिली. त्यानंतर मुलगा भेटायला गेल्यानंतर संशयित महिलेने मुलाचे लैंगिक शोषण केले.
जाब विचारायला गेल्यावर वडिलांवरच विनयभंगाचा गुन्हा
दरम्यान, महिलेने आणखी एकदा मुलाचे शोषण केले. हा प्रकार वारंवरा घडत असल्यामुळे गोष्ट मुलाच्या वडिलांच्या निदर्शनास आली. अल्पवयीन मुलाच्या वडिलांन ही गोष्ट समजताच ते या महिलेकडे जाब विचारण्यासाठी गेले. मात्र, उलट या महिलेने मुलाच्या वडिलांनीच विनयभंग केल्याचा आरोप करत त्यांच्याविरोधात पोलिसांत तक्रार दिली. या प्रकारानंतर मुलाच्या वडिलांनी पोलिसांत धाव घेत महिलेविरोधात तक्रार दिली आहे. मुलाच्या वडिलांनी दिलेल्या तक्रारीनुसार या संशयित महिलेविरोधात बाल लैंगिक अत्याचार प्रतिबंधक कायद्यांतर्गत (पोक्सो) गुन्हा दाखल करण्यात आला आहे. संजयनगर पोलिसांकडून या प्रकरणाची पुढील चौकशी सुरु आहे. दरम्यान, ही घटना समोर आल्यानंतर सागंली जिल्ह्यात खळबळ उडाली आहे.
