तलवार घेऊन दहशत माजवणारा तरुण पोलिसांच्या ताब्यात !
जळगाव (प्रतिनिधी)। शहरातील शनी पेठ परिसराच्या चौघुले प्लॉट भागात हातात तलवार घेऊन दहशत निर्माण करीत असल्याची माहिती वरून एका संशयित आरोपीला आज सायंकाळी ५ वाजेच्या सुमारास ताब्यात घेतले आहे.
सविस्तर माहिती अशी की, शनी पेठ परिसराच्या चौघुले प्लॉट भागात संशयित आरोपी मिलिंद शशिकांत दलाल उर्फ बबलु (वय:३२, रा.चौघुले प्लॉट) हातात तलवार घेऊन दहशत निर्माण करीत असल्याची माहिती शनी पेठ पोलीस स्टेशनचे निरीक्षक विठ्ठल ससे यांना मिळाली होती. मिळालेल्या माहितीनुसार हवालदार अभिजित लक्ष्मण सैदाणे, दिनेशसिंग लोटू पाटील, संदीप माने, राहूल पाटील, राहूल घेटे, मुकुंद गंगावणे, अनिल कांबळे यांनी तात्काळ घटनास्थळ गाठून मिलिंद याला तलवारीसह ताब्यात घेतले असून त्याच्याविरुध्द शनीपेठ पोलीस स्टेशनला गुन्हा नोंद करण्यात आला आहे.
