यावल तालुक्यात अवैध वाळू वाहतूक करणारे डंपर वाळुसह पकडले
यावल, मंडे टु मंडे न्युज नेटवर्क l विनापरवाना अवैध वाळू डंपरमध्यून वाहतूक करणाऱ्या डंपरवर यावल पोलीसांनी कारवाई केली असून वाळू सह डंपर जप्त करण्यात आले असून डंपर चालकावर गुन्हा दाखल करण्यात आला आहे. पथकाने रविवारी २ जून रोजी मध्यरात्री २ वाजता वाळू वाहतूक करणाऱ्या डंपर क्रमांक (एमपी ०९ जीएफ ९२८१) यावल तालुक्यातील वाघळूद गावाच्या फाट्याजवळून विनापरवाना वाळूची वाहतूक करणाऱ्या डंपर पकडला.
अधिक चौकशी केली असता चालकाकडे वाळू वाहतुकीबाबत कोणताही परवाना नसल्याने पोलिसांनी वाळूने भरलेले डंपर जप्त केले. याप्रकरणी पोलीस कॉन्स्टेबल सुशील घुगे यांनी दिलेल्या फिर्यादीवरून चालक विकास बापू सोनवणे वय-२३ रा. कानडदा ता. जि. जळगाव यांच्या विरोधात यावल पोलीस ठाण्यात गुन्हा दाखल करण्यात आला.पुढील तपास यावल पोलीस ठाण्याचे पोलीस निरीक्षक प्रदीप ठाकूर यांच्या मार्गदर्शनाखाली पुढील तपास पोलीस उपनिरीक्षक नितीन चव्हाण हे करीत आहे.
