रिक्षाचे टायर फूटून दुचाकीला धडक, तीन जखमी, दोघांची प्रकृती चिंताजनक
मंडे टू मंडे वृत्तसंकलन।
फैजपूर,मंडे टू मंडे वृत्तसेवा। यावल ते फैजपूर रस्त्यावर महाविद्यालयाजवळ रिक्षाचे पुढील टायर फूटून दुचाकीला धडक बसली. अपघातात तीन जण जखमी झाले. दोघांची प्रकृती चिंताजनक आहे.
मुक्ताईनगर येथील निवृत्ती पुंडलिक पाटील ( वय ४२ ) पत्नी शारदा यांच्यासह दुचाकीने मनुदेवी येथे दर्शनासाठी जात होते. फैजपूरकडे महेंद्र कोळी ( वय ३२,रा.अट्रावल ) घेऊन जात असलेल्या रिक्षाचे पुढील टायर फुटून रिक्षाचे नियंत्रण सुटून रिक्षा समोरून येणाऱ्या दुचाकीवर आदळली. या अपघातात जखमी झालेल्या तिघांना येथील ग्रामीण रुग्णालयात दाखल करण्यात आले.
रिक्षाचालक महेंद्र कोळी यांच्या डोक्याला जबर मार लागला आहे. निवृत्ती पाटील यांच्या डाव्या खांद्याला फ्रॅक्चर होऊन त्यांच्या डोक्याला देखील गंभीर दुखापत झाली आहे. शारदा पाटील यांना किरकोळ दुखापत झाली. जखमींवर डॉ शुभम तिडके, अधिपरिचारिका नेपाली भोळे, आशा आदीवाल, भूषण गाजरे यांनी प्रथमोपचार करून निवृत्ती पाटील यांना फैजपूर येथील खासगी रुग्णालयात तर महेंद्र कोळी यास जिल्हा शासकीय वैद्यकीय महाविद्यालयात हलवण्यात आले.
