ना. गुलाबराव पाटलांसह अपक्ष आमदार चंद्रकांत पाटील शिंदेंना साथ, गुवाहाटीत दाखल !
गुवाहाटी/मुक्ताईनगर, अक्षय काठोके : येथील अपक्ष आमदार चंद्रकांत पाटील हे सकाळीच मुक्ताईनगरात आले होते. मात्र अचानक चंद्रकांत पाटील यांना फोन आल्यानंतर ते तातडीने जळगाव येथून चार्टट प्लेनने व्याया मुंबई गुवाहाटीच्या दिशेने रवाना झाले होते आता गुवाहाटी येथे दाखल झाले आहे. शिवसेनेचे अपक्ष चंद्रकांत पाटील शिवसेनेचे चारही आमदार शिंदेंना साथ दिल्याचं चित्र आहे.
गुलाबराव पाटील यांच्यासोबत काल दिसून आलेले मुक्ताईनगरचे आ.चंद्रकांत पाटील हे देखील आता नॉट रिचेबल येत होते. जळगावातील सेनेची तीन आमदार शिंदेंसोबत असल्याचे निश्चित झाल्यानंतर शेवटचे आमदार म्हणजे ना. गुलबराब पाटील आणि अपक्ष आ. चंद्रकांत पाटील देखील शिंदेसोबत गेल्याने आता जिल्ह्यातील सर्व आमदार शिंदेंना साथ दिली आहे. त्यांना ना.एकनाथ शिंदे यांचा फोन आल्याने जळगाव विमानतळावरून आ.चंद्रकांत पाटील गुवाहाटीच्या दिशेने निघाले होते.
गुवाहटीला गेलेल्या आमदारांमध्ये गुलाबराव पाटील, चंद्रकांत पाटील, योगेश कदम, मंजुळा गावित यांचा समावेश आहे. हे चारही आमदार हॉटेलमध्ये पोहोचताच त्यांचं इतर आमदारांनी स्वागत केलं. या आमदारांना एकनाथ शिंदे यांची भेट घेतली. महत्त्वाचं म्हणजे उद्धव ठाकरे यांनी आवाहन केल्यानंतरही हे 4 आमदार एकनाथ शिंदेंच्या गटात सामील झाले आहेत.
शिवसेनेचे नगरविकास मंत्री एकनाथ शिंदे विधानपरिषद निवडणूक आटोपताच नॉट रिचेबल झाले होते. शिंदे यांच्यासोबत असलेल्या ३६ पेक्षा अधिक आमदारांचा फोटो आणि व्हिडीओ रात्री व्हायरल झाले आहेत. जळगाव जिल्ह्यातील चार अधिक एक अपक्ष आमदार शिंदेंसोबत असल्याचे स्पष्ट झाले आहे.
