ब्रेकिंग | खडसेना धक्का; मंगेश चव्हाण विजयी, मंदाताई खडसेंचा पराभव !
जळगाव, मंडे टू मंडे न्युज|जिल्हा दूध संघाच्या निवडणुकीत जिल्हातील सर्वात लक्षवेधी लढतीत मुक्ताईनगर मतदार संघातून प्रतिष्ठेच्या लढाई आमदार मंगेश चव्हाण यांनी विजयी मिळवत माजी चेअरमन मंदाताई खडसे यांच्या पराभव केला आहे.
गेल्या काही दिवसापासून जिल्हा दुध संघाच्या निवडणुकीच्या पार्श्वभूमीवर जळगावातील राजकारण चांगलेच तापले गेलं होते. यावरून आरोप-प्रत्यारोप होत होती. सर्वात चुरशीच्या असलेल्या मुक्ताईनगर मतदारसंघात आ. एकनाथ खडसेच्या पत्नी व दुध संघाच्या चेअरमन सौ. मंदाताई खडसे यांना भाजपचे आ. मंगेश चव्हाण यांनी पराभूत केले आहे. या लढतीकडे संपूर्ण जिल्ह्यासह महाराष्ट्राचे लक्ष लागून होते.
जिल्हा दुध संघावर राज्यात सत्तांतर झाल्यानंतर प्रशासक मंडळाची नियुक्ती करत आमदार मंगेश चव्हाण यांच्याकडे मुख्य प्रशासकपदाची धुरा देण्यात आली होती. या निर्णयाच्या विरोधात खडसे गट न्यायालयात गेले. तेथे या निर्णयाला स्थगिती मिळाली. दुध संघाची निवडणूक लागल्यानंतर त्यांनी आपण खडसे कुटुंबातील सदस्याच्या विरोधात निवडणूक लढविणार असल्याची घोषणा केली. यानंतर त्यांनी थेट मुक्ताईनगर सोसायटी मतदारसंघातून मावळत्या अध्यक्षा मंदाताई खडसे यांच्या विरोधात अर्ज दाखल केला. निवडणुकीच्या प्रचारात अनेक आरोप-प्रत्यारोप करण्यात आले. स्वत: मंगेश चव्हाण यांनी मंदाताई खडसे यांच्या कार्यकाळात मोठ्या प्रमाणात गैरव्यवहार झाल्याचे आरोप केले होते.
