जिल्हा दूध संघ निवडणूक : १९ जागांसाठी १०० टक्के मतदान, उद्या मतमोजणी,दोन्ही पॅनलचे विजयाचे दावे
जळगाव,मंडे टू मंडे न्युज वृत्तसेवा। जळगाव जिल्हा दूध संघाच्या १९ जागांसाठी आज शनिवार दि. १० डिसेंबर रोजी झालेल्या जिल्हा दूध संघाच्या मतदानात १०० टक्के मतदान झाले असून उद्या मतमोजणी होणार आहे.
आज जिल्ह्यातील ७ मतदान केंद्रावर झालेल्या मतदानात पूर्ण च्या पूर्ण ४४१ मतदारांनी आपल्या मतदानाचा हक्क बजावला. दुपारी १२ ते २ या कालावधीपर्यंत जवळपास ९५.२३ टक्के मतदान पूर्ण झाले होते. १९ जागांसाठी १०० टक्के मतदान झाल्याने सहकार व शेतकरी विकास पॅनलमध्ये विजयासाठी रस्सीखेच पहावयास मिळत आहे.मतदान प्रक्रिया निर्विवाद व शांततापूर्ण वातावरणात पार पडली. यातच दोन्ही पॅनलच्या नेत्यांनी विजयाची दावेदारी केली आहे. उद्या रविवार दि. ११ नोव्हेंबर रोजी जळगाव येथे श्री सत्य वल्लभ भवन येहते मतमोजणी करण्यात येणार असून मतमोजणीची सर्व तयारी पूर्ण झाल्याची माहिती निवडणूक निर्णय अधिकारी संतोष बिडवाई यांनी दिली आहे.
