रावेर मध्ये भाजपच्या रक्षा खडसे विरुद्ध राष्ट्रवादी कडून श्रीराम पाटील असा सामना रंगणार?
जळगाव, मंडे टु मंडे न्युज नेटवर्क l रावेर लोकसभा मतदार संघातून राष्ट्रवादी काँग्रेस शरद पवार पक्षातर्फे उद्योगपती श्रीराम पाटील यांची उमेदवारी निश्चित करण्यात आली आहे. पुणे येथे पक्षाचे नेते शरद पवार यांच्या उपस्थितीत बैठक आयोजित करण्यात आली होती. यावेळी प्रदेश अध्यक्ष जयंत पाटील जळगाव जिल्ह्यातील माजी आमदार सतीश पाटील, जिल्हाध्यक्ष अॅड. रवींद्र पाटील, महिला आघाडी प्रदेश अध्यक्षा रोहिणी खडसे आदी यावेळी उपस्थित होते.
काही दिवसांपूर्वीच त्यांनी भाजपत प्रवेश केला होता. पण त्यांनी राष्ट्रवादी काँग्रेसचे नेते शरद पवार यांची भेट घेऊन रावेर लोकसभा मतदार संघातून लढण्याची इच्छा व्यक्त केली होती. गेल्या सुमारे चार महिन्यांपूर्वी आजित पवार यांचे कडे गेले होते, तर महिन्या दीड महिन्यापूर्वी त्यांनी भाजपमध्ये प्रवेश केला होता.
दरम्यान, भाजपच्या रावेरच्या उमेदवार आणि विद्यामान खासदार रक्षा खडसे यांच्याविरोधात श्रीराम पाटील लढणार आहेत. रक्षा खडसे या भाजपचे माजी मंत्री एकनाथ खडसे यांच्या सून आहेत.
