दुचाकीची समोरासमोर धडक : महिला जागीच ठार !
जळगाव, मंडे टू मंडे वृत्तसेवा : जळगाव-भुसावळ दरम्यानच्या महामार्गावरील माऊली पेट्रोल पंपाजवळ राँग साईडने येणाऱ्या दुचाकीने समोरून येणाऱ्या दुचाकीला जोरदार धडक दिली. यात दुचाकीवरील एका महिलेचा जागीच मृत्यू झाल्याची घटना घडली. याबाबत दुचाकीचालकाविरोधात नशिराबाद पोलीस ठाण्यात गुन्हा नोंद करण्यात आला आहे.
याबाबत अधिक माहिती अशी, इकबाल शहा सांडू (वय-४५ रा. मोमीन मोहल्ला, नशिराबाद) हे त्याची पत्नी सरताजबी इकबाल शहा (वय-४२) यांच्यासह २७ नोव्हेंबर रोजी सकाळी १०.३० वाजेच्या सुमारास दुचाकी क्रमांक (एमएच १९ डीयू ३५५८) ने दुचाकीने नशिराबादकडून भुसावळकडे जात असतांना समोरून राँग साईडे अनोळखी नंबरवरील दुचाकीधारकाने जोरदार धडक दिली.
सदरील अपघातात सरताजबी शहा या गंभीर जखमी झाल्या. त्यांना तातडीने खासगी रूग्णालयात उपचारार्थ दाखल करण्यात आले होते. उपचारादरम्यान त्यांचा मृत्यू झाला. याप्रकरणी २८ नोव्हेंबर रोजी सायंकाळी नशिराबाद पोलीस ठाण्यात अज्ञात दुचाकीधारकावर गुन्हा दाखल करण्यात आला आहे. पुढील तपास पोहेकॉ गजानन देशमुख करीत आहे.
