महाराष्ट्र राज्य मराठी पत्रकार संघातर्फे विनोद कोळी यांना २०२२ विशेष सन्मान पुरस्कार
खिर्डी ता.रावेर,मंडे टू मंडे न्युज प्रतिनिधी। रावेर तालुक्यातील पूनखेडा या गावाचे रहिवासी असलेले पत्रकार विनोद रामचंद्र कोळी यांनी कोरोणा काळात केलेल्या सामाजिक कार्याची महाराष्ट्र राज्य मराठी पत्रकार संघ मुंबई यांच्या तर्फे आज दि.१मे रोजी जळगांव येथे आयोजित उत्तर महाराष्ट्र स्तरीय अधिवेशन या कार्यक्रम प्रसंगी त्यांनी केलेल्या सामाजिक कार्याची दखल घेण्यात आली असून त्यांना महाराष्ट्र राज्य मराठी पत्रकार संघाचे प्रदेशाध्यक्ष श्री वसंतराव मुंढे यांच्या हस्ते २०२२ विशेष सन्मान पुरस्कार देण्यात आला.
या कार्यक्रमाच्या प्रसंगी प्रमुख उपस्थिती पालक मंत्री गुलाबराव पाटील, आमदार सुरेश दामू भोळे,महाराष्ट्र राज्य मराठी पत्रकार संघाचे सरचिटणीस विश्वास आरोटे, महाराष्ट्र राज्य मराठी पत्रकार संघाचे विभागीय अध्यक्ष किशोर भाऊ राय साकडा,महाराष्ट्र राज्य मराठी पत्रकार संघाचे उत्तर महाराष्ट्र अध्यक्ष प्रवीण सपकाळे आदी मान्यवर उपस्थित होते.
