रक्षाबंधन दिनी झाड लावून जगवण्याचा संकल्प, पं.स.सभापती कविता कोळी यांच्या हातून सुरुवात
मंडे टू मंडे वृत्तसंकलन।
खिर्डी ता.रावेर ,मंडे टू मंडे वृत्तसेवा। रक्षाबंधन दिनी धामोडी येथील स्मशानभूमीत परिसर व धामोडी कांडवेल रस्त्यालगत झाडे लावून वाढवण्याच्या संकल्प करण्यात आला त्यावेळी पंचायत समिती सभापती कविता ताई कोळी यांच्या हातून झाड लावून सुरुवात करण्यात आली.
आपण लग्न, वाढदिवस विविध कार्यक्रम अशा निमित्ताने भेटीदाखल पुष्पगुच्छ देतो, त्याऐवजी एक-एक रोप भेट दयावे. नवीन बालक जन्माला आले की, त्या कुटुंबाने नवीन झाड लावावे व बाळाबरोबर त्यालाही बाळासारखे ममतेने वाढवावे. शाळेतील प्रत्येक मुलाने आपापल्या परिसरात एक तरी झाड लावावे व त्याचे नीट संगोपन करावे, प्रेमाने देखभाल करावी.असा संदेश सभापती कविताताई कोळी यांनी दिला.त्यावेळी ग्रामपंचायत सदस्या स्वीटी दुर्गादास पाटील यांच्या मुलीने तिच्या भावास राखी बांधली उपस्थित प. स.सभापती कविताताई कोळी सरपंच ताईबाई कोळी ग्रामपंचायत सदस्य स्विटी पाटील, कल्पना पाटील, आशाबाई पाटील, मनिषा पाटील,अर्चना पाटील, ज्ञानेश्वर पाटील, दिनकर पाटील, उपसरपंच लखन पाटील, विनोद पाटील, आत्माराम कोळी, जगदीश पाटील, संजय पाटील, दुर्गेश पाटील, पवन पाटील, अमोल पाटील, चेतन पाटील, नारायण पाटील,देवानन महाजन, लिलाधर महाजन, ईश्वर पाटील, गणेश महाजन, प्रशांन्त पाटील, समाधान कोळी, राजेंद्र महाजन,इ ग्रामस्थ उपस्थित होते.
