खिर्डी खु येथील ग्रा.पं. ने ” सर्वत्र घाणीचे साम्राज्य ग्रामस्थ त्रस्त” या बातमीची घेतली दखल…
मंडे टू मंडे वृत्तसंकलन।
खिर्डी ता.रावेर.मंडे टू मंडे वृत्तसेवा। येथील नवीन गावठाण भागात पथदिवे बंद,तुंबलेल्या गटारी,सर्वत्र घाणीचे साम्राज्य ग्रामस्थ त्रस्त,ग्रा.पं सदस्याचे दुर्लक्ष.या मथळ्याखाली ११सप्टें रोजी मंडे टू मंडे बातमी प्रकाशित केली होती.तसेच बऱ्याच दिवसापासून या परिसरात गटारिंची साफ सफाई करण्यात आली नव्हती.तसेच अनेक ठिकाणचे पथदिवे सुद्धा बंद अवस्थेत होते.त्या मुळे या भागात अंधाराचे साम्राज्य पसरले होते.या बाबत सरपंच राहुल फालक,ग्रामविकास अधिकारी गोकुळ सोनवणे,यांनी स्वतः लक्ष देवून याभागात कर्मचाऱ्यांकडून साफ सफाई करून घेतली. तसेच बंद पडलेले पथदिवे सुध्दा नवीन लावण्यात आले आहे.वार्ड क्रं १चे सदस्य पती रवींद्र हरी कोचुरे सफाई कर्मचारी सोनू हांस्कर,पियूष भिरुड,आदी उपस्थित होते.तसेच मंडे टू मंडे न्यूज चे ग्रामस्थांनी भरभरून आभार व्यक्त केले.
