जिल्ह्यातील राजकीय घडामोडी दरम्यान एकनाथ खडसे सिल्वर ओक वर शरद पवारांच्या भेटीला !
मंडे टू मंडे वृत्तसंकलंन।
मुंबई, प्रतिनिधी: राज्यातील राजकारणात सध्या सुरू असलेल्या भेटीगाठींच्या सपाट्यामुळं चर्चेला उधाण आलं आहे. विरोधी पक्षनेते देवेंद्र फडणवीस यांनी घेतलेल्या भेटीनंतर राष्ट्रवादी काँग्रेसचे नेते एकनाथ खडसे यांनी आज बुधवारी पक्षाध्यक्ष शरद पवार यांची सिल्व्हर ओक येथे भेट घेतली. यावेळी त्यांच्यासोबत उच्च व तंत्र शिक्षणमंत्री आणि शिवसेनेचे नेते उदय सामंत देखील सोबत होते. खडसेनी भेट घेतल्याने चर्चेला अजूनच उधाण आलं आहे.
खडसेंच्या भेटीमागे जिल्ह्यात शिवसेनेकडून घडत असलेल्या राजकीय घडामोडीची पार्श्वभूमीवर भेट असल्याच्या कयास लावला जात असून सेनेकडून आमदार चंद्रकांत पाटील यांनी जिल्ह्याच्या राजकारणात खळबळ उडवून देत खडसे समर्थ असलेल्या भाजपा नगसेवकांच्या फोडाफोडीच्या राजकारणावर चर्चा झाल्याची शक्यतां असून तसेच खडसे यांच्या आमदारकी बाबतही व जिल्ह्यातील राष्ट्रवादीच्या पक्षाच्या कार्यकारिणीत काही दिवसांमध्ये बदल होण्याची शक्यता असून याबाबत खडसे-पवार भेटीत याप्रसंगी चर्चा झाल्याची शक्यता वर्तवण्यात येत आहे.
दरम्यान, खडसे यांनी स्वत: या भेटीबाबत ट्वीट केलं आहे. पवारसाहेबांच्या प्रकृतीची विचारपूस करण्यासाठी ही भेट घेतल्याचं खडसे यांनी ट्वीटमध्ये म्हटलं आहे. मात्र, फडणवीस यांच्याशी बोलणं झाल्यानंतर लगेचच खडसे मुंबईत पोहोचल्यानं काहीतरी नक्कीच घडतंय असा अंदाज व्यक्त केला जात आहे.
