बाप-लेकीच्या नात्याला काळिमा, नराधम बापाचा पोटच्या मुलीवर बलात्कार
अकोला ,मंडे टू मंडे न्युज वृत्तसेवा।। वासनांध बापाने स्वतःच्या अल्पवयीन मुलीवर सातत्याने अत्याचार करत, तिला गर्भवती केल्याची संतापजनक घटना घडली असून बाप-लेकीच्या नात्याला काळिमा फासणारी घटना अकोल्यातील मूर्तिजापूर तालुक्यात घडली.
अकोला जिल्ह्यातील मूर्तिजापूर तालुक्यात शेलू वेताळ शिवारातील एका शेतात मध्य प्रदेशातील बैतूल जिल्ह्यातील कोथूलकुंड येथील एक कुटुंब शेतीत मजुरीचे काम व शेतीची राखण करण्यासाठी आले होते.ते शेतातच रहात होते. याच कुटुंबातील बापाने आपल्याच अल्पवयीन मुलीवर सातत्याने बलात्कार करून तिला गर्भवती केल्याची धक्कादायक घटना उघडकीस आली.
दरम्यान या बाबत कुठेही न सांगण्या बाबत धमकावले जात होते भीतीपोटी पीडित मुलीने तिच्यावर घडलेल्या अत्याचाराबाबत कोणालाही काही सांगितले नाही. दरम्यान ती पाच महिन्यांची गर्भवती असल्याचे समोर आल्यानंतर पीडितेने मुर्तीजापुर ग्रामीण पोलिसस्टेशनला तक्रार दाखल केल्याने मुलीच्या तक्रारीवरून गुन्हा दाखल करण्यात आला असून नराधम बापास अटक करण्यात आली आहे.
