चित्रपट अभिनेता अभिषेक बच्चन करणार राजकारणात एन्ट्री, “या” पक्षाकडून लढवणार निवडणूक
मुंबई, मंडे टू मंडे न्युज वृत्तसेवा। अभिनेता अमिताभ बच्चन यांचा मुलगा अभिनेता अभिषेक बच्चन याच्याबद्दलची मोठी बातमी समोर येत आहे. बाॅलिवूड अभिनेता अभिषेक बच्चन याने त्याच्या करिअरमध्ये आतापर्यंत अनेक हिट चित्रपटांमध्ये महत्वाच्या भूमिका केल्या आहेत. अभिषेक बच्चन याच्या कडे सध्या बरेच चित्रपट आहेत.
मिळालेल्या माहितीनुसार अभिषेक बच्चन हा लवकरच राजकारणामध्ये प्रवेश करू शकतो. विशेष म्हणजे २०२४ ची निवडणूकही अभिषेक बच्चन हा लढणार असल्याचे सांगितले जातंय. आता बाॅलिवूडनंतर राजकारणात धमाल करताना अभिषेक बच्चन हा दिसणार असल्याचे जवळपास निश्चितच आहे. विशेष म्हणजे अभिषेक बच्चन हा कोणत्या पार्टीमध्ये प्रवेश करणार याबद्दलही माहिती समोर आली आहे.
अभिषेक बच्चन हा अखिलेश यादव याची समाजवादी पार्टीमध्ये प्रवेश घेणार असल्याची चर्चा आहे. २०२४ ची निवडणूक अभिषेक बच्चन हा प्रयागराजमधून लढणार असल्याचेही सांगितले जातंय. अभिषेक बच्चन याच्या राजकारणातील प्रवेशाबद्दल अजून त्याने काही भाष्य केले नाहीये. मात्र, लवकरच अभिषेक बच्चन याचा राजकारणात प्रवेश होऊ शकतो.
